Af hverju að lækka bensínið? Er ekki umferðin of mikil.

Álogur ríkisins hafa ekki aukist undanfarin ár.Það er aðeins virðisaukinn sem hefur aukist vegna hækkaðs heimsmarkaðsverðs.Er ekki nær að lækka eða fella niður virðisaukaskatt af mat. Kemur það sér ekki betur fyrir þá launalægstu. Jarðarbúar verða að aðlaga sig að sífellt hærra olíuverði Olía er ekki græn orka. Það má ekki lækka álögur á hana  vegna þess.

Margra kílómetra bílaröð

Athugasemdir

[Sigurður Viktor Úlfarsson, 1.4.2008 kl. 17:00]

Hjartanlega sammála.  Fellum niður öll möguleg gjöld af tvinnbílum, metanbílum o.þ.h. en ekki lækka gjöld af olíunni.  Olían mun halda áfram að hækka næstu árin.  Ef við lækkum og lækkum skattinn þá mun það eitt gerast að fljótlega verður hann uppurinn og þá heldur olían einfaldlega áfram að hækka til samræmis við heimsmarkaðsverð en ríkið fær engar tekjur af bílunum en þeim mun meiri eftirspurn verður eftir fjármunum í vegaframkvæmdir.

Nú er tími til að skipta úr bensínhákum í annað.  Til skamms tíma mætti segja sem svo að trukkabílstjórar sem geta ekki flutt sig yfir á minni bíla (þeir eru jú að flytja stórar vörur) gætu fengið að nota litaða olíu sem væri ódýrari.  Á hinn bóginn er það jákvæða við þetta að verð á flutningum með bílum hækkar og þá myndast kannski aftur markaður fyrir strandsiglingar og við losnum við trukkana af vegunum.

[Hannes Þór Þorláksson (IP-tala skráð) 1.4.2008 kl. 17:21]

Matvælaverð hækkar einnig útaf miklum olíukostnaði, til að fá innfluttan mat þá þarf að fljúga/sigla með þennan mat til íslands og kaupa eldsneyti á farartækin til þess, því er síðan ekið af flugvellinum/höfninni í byrgjana, þaðan í aðra byrgja/lagera, og þaðan í verslanir og svo framvegis, þar að leiðandi er búið að borga margfalda álagningu ríkisins á eldsneyti til að flytja vöruna til neytandans, lækkun á álagningu olíu myndi líka skila sér í minni flutningskostnaði á vörunni og þar að leiðandi í lægra verð á vörunni ekki satt?

[Lína (IP-tala skráð) 1.4.2008 kl. 17:35]

Virðisaukaskatturinn á mat var lækkaður fyrir rúmu ári síðan. Sú lækkun skilaði sér aldrei til neytenda, kaupmenn hækkuðu flest verð rétt fyrri vsklækkun og lækkuðu sig svo niður í gamla verðið aftur. Þar er komið enn eitt tilefni til að mótmæla.

Atvinnubílstjórar eru ekki eingöngu að mótmæla bensínverði heldur margt annað varðandi reglur sem snúa að þeirra starfsemi, eins og fram hefur komið í fjölmiðlum.